溯本尋屯第一期 序

今次係溯本尋屯第一次同大家見面，首先代表團隊仝人同大家講聲：多謝大家支持，我亦都要多謝各位小伙伴為社區報出心出力。 屯門人成日畀人叫屯門牛、山區兒童、要拎回鄉證入境，到底我哋係咪外間講到咁慘？定係屯門有獨特嘅風景同埋深度，等住我哋去發掘？ 溯本尋屯 ——「溯回根本，尋找屯門」，屯門呢個地方，經歷過無數歷史沖刷，隨住社區發展改變面貌。但我哋相信，不變嘅係呢到嘅價值同味道。